Проект за настава во природна средина

Инклузивното воспитување и образованието на децата со попреченост е важна и актуелна тема во земјите на ЕУ, но и во Турција и во Северна Македонија. Со зголемувањето на важноста и поддршката која им се дава на инклузивните училници, се појави потребата за настава во природната средина на учениците, чии процеси вклучуваат ефективни и практични стратегии кои можат да се користат во секојдневните образовни процеси, особено во предучилишните инклузивни училници.

За да бидат успешни инклузивните практики, потребни се практични насоки кои ќе им објаснат и ќе им покажат на воспитувачите и наставниците во предучилишното воспитание на кој начин можат да ги поучуваат децата во текот на секојдневните рутини и активности. Една од главните идеи на овој проект е дека, пред сè, секојдневните повторливи процеси, т.е. рутини и дневните активности имаат висок потенцијал да се користат како ситуации за поддршка. Во таа насока, проектот ќе понуди брошури за поддршка, аудиовизуелни и веб 2.0 материјали кои обезбедуваат секојдневни научно-базирани примери на емпатична игра и учење за родителите и стручните лица, а кои вклучуваат, на пример, развој на цели за учество, дневни рутини, активности и многу повеќе. Проектот има за цел да споделува секојдневни идеи и методи кои го зајакнуваат соодветниот развојен потенцијал на децата. Во соработка со проектните партнери, подготвените содржини ќе бидат слободно достапни на македонски, турски, германски, англиски и унгарски јазик.